საგრადა ფამილიაში პირველად შესრულდა ქართული საგუნდო მუსიკა

2026 წლის 24 ოქტომბერს, თბილისის ქალთა გუნდის მიერ ქ. ბარსელონას ისტორიულ ტაძარში, საგრადა ფამილიაში პირველად შესრულდა ქართული საგუნდო მუსიკა.

საქართველოს კულტურის სამინისტროს მხარდაჭერით თბილისის ქალთა გუნდი საერთაშორისო საგუნდო კონკურსის „Sing for Gold-The world Choral Cup” ოქროს მედლის მფლობელი გახდა. კონკურსში მსოფლიოს 24 ქვეყნის 38 გუნდი მონაწილეობდა.

ღონისძიებას ესპანეთის სამეფოში საქართველოს ელჩი ალექსანდრე ჭკუასელი დაესწრო.