რუსეთის მიერ საქართველოს წინააღმდეგ განხორციელებული სრულმასშტაბიანი სამხედრო აგრესიიდან 18 წელი გავიდა. 2008 წლის აგვისტოში რუსეთმა, საერთაშორისო სამართლის ფუნდამენტური ნორმებისა და პრინციპების უგულებელყოფით, განახორციელა საქართველოს ტერიტორიის განუყოფელი ნაწილების - აფხაზეთისა და ცხინვალის რეგიონების უკანონო ოკუპაცია და მათი ე.წ. დამოუკიდებელ სახელმწიფოებად აღიარება.

2008 წლის რუსეთ-საქართველოს ომის მე-18 წლისთავთან დაკავშირებით, დაღუპულთა ხსოვნისთვის პატივის მიგების ნიშნად, საგარეო საქმეთა სამინისტროს, საზღვარგარეთ საქართველოს დიპლომატიური წარმომადგენლობების და საკონსულო დაწესებულებების შენობებზე სახელმწიფო დროშები დაეშვა.

2026 წლის 9 ივლისს, ესპანეთის სამეფოში, ქალაქ ბარსელონაში საქართველოს გენერალურმა საკონსულომ დამოუკიდებლობის დღისადმი მიძღვნილ მიღებას უმასპინძლა.

საქართველოს საგარეო საქმეთა სამინისტრო აცხადებს საგრანტო კონკურსს „ქართული გემო“. საგრანტო პროგრამის მიზანია ქართული სამზარეულოს პოპულარიზაცია საზღვარგარეთ; დიასპორის წევრების ჩართულობა ქართული კერძების, რეცეპტებისა და კულტურის გაცნობაში; კულინარიული ღონისძიებების, სასწავლო შეხვედრების და ბანაკების ორგანიზება, სადაც მონაწილეები აქტიურად შეისწავლიან ქართული კერძების მომზადებას; დიასპორის მიერ დაფუძნებული ქართული რესტორნების, კულინარიული კლუბებისა და სკოლის პროექტების მხარდაჭერა, საზღვარგარეთ საქართველოს დიპლომატიური წარმომადგენლობებისა და საკონსულო დაწესებულებების ჩართულობით. 

24-25 ივნისს, ქალაქ ალიკანტეში, საგარეო საქმეთა სამინისტროს საგრანტო პროგრამის - „დიასპორული ინიციატივების მხარდაჭერა“ ფარგლებში, პროექტი „ჩემი საქართველო - ემიგრანტებისთვის“ განხორციელდა. პროექტის მიზანია ემიგრაციაში მცხოვრებ ქართველებს შორის ქართული ენისა და კულტურის პოპულარიზაცია და ეროვნული იდენტობის გაძლიერება.

2026 წლის 4 ივნისს, ქალაქ ბარსელონაში, საქართველოს გენერალურმა კონსულმა ბექა ზარანდიამ და საქართველოს პოლიციის ატაშემ ესპანეთის სამეფოში, პოლკოვნიკმა, შალვა შუბლაძემ წარმატებული საპოლიციო თანამშრომლობისთვის, შინაგან საქმეთა მინისტრის მადლობის სიგელით, კატალონიის ავტონომიური პოლიციის  საგამოძიებო დეპარტამენტის თანამშრომლები ფრანსისკო მანუელ რუის გონსალესი და მიგელ მორენეტე დააჯილდოვეს.

საგარეო საქმეთა სამინისტროს საგრანტო პროგრამის - „დიასპორული ინიციატივების მხარდაჭერა“ ფარგლებში, ქალაქ ბარსელონაში პროექტი „ქართული სპორტი ევროპაში“ ჩატარდა. ღონისძიების ფარგლებში, პროფესიონალური კრივის საღამო გაიმართა.

საქართველოში ქრისტიანობის სახელმწიფო რელიგიად გამოცხადების 1700 წლის იუბილესთან დაკავშირებით, საქართველოს მთავრობისა და საპატრიარქოს ერთობლივი ღონისძიებების ფარგლებში, ქალაქ ბარსელონას საპატრიარქოს დელეგაცია ეწვია.

წელს ჩვენი ქვეყანა აღნიშნავს 1700 წლის იუბილეს ქრისტიანობის სახელმწიფო რელიგიად გამოცხადებიდან. აღნიშნულ თარიღთან დაკავშირებით, სახელმწიფოსა და ეკლესიის ერთობლივი ღონისძიებების ფარგლებში, ბარსელონას "წმიდა ნინოს" სახელობის სამრევლოს ეწვევა საპატრიარქოს დელეგაცია.

საქართველოს საგარეო საქმეთა სამინისტრო აცხადებს საგრანტო კონკურსს  „ჩემი ქართული სკოლა“. საგრანტო პროგრამის მიზანია ქართული ენის სწავლების ხარისხის გაუმჯობესება, მოსწავლეების კულტურულ აქტივობებში ჩართულობის გაზრდა, საკვირაო სკოლების გაძლიერება სასწავლო მასალით და შემოქმედებითი რესურსებით, საზღვარგარეთ მოქმედი ქართული საკვირაო სკოლების მხარდაჭერა, საზღვარგარეთ საქართველოს დიპლომატიურ წარმომადგენლობებისა და საკონსულო დაწესებულებების ჩართულობით.

2026 წლის 20 მაისს, ქ.ბარსელონაში საქართველოს გენერალურმა კონსულმა ბექა ზარანდიამ, ბარსელონაში აკრედიტებულ საკონსულო კორპუსის წევრებთან და ხელისუფლების წარმომადგენლებთან ერთად, მონაწილეობა მიიღო ინსტიტუციურ ღონისძიებაში, რომელიც ორგანიზებული იყო ბარსელონას სავაჭრო პალატის მიერ. 

2026 წლის 18 აპრილს, ქალაქ ჟირონაში მოქმედ ქართულ კულტურის ცენტრში დედაენის დღისადმი მიძღვნილი ღონისძიება გაიმართა.